Compostela no corazón.

MERCA NOS CONCHEIROS

Descarga os teus bonos e consigue
ata 90€ nas túas compras

BONOS CORAZÓN CONCHEIROS


1. QUE SON OS BONOS CORAZÓN CONCHEIROS?

O programa de Bonos Corazón Concheiros é unha iniciativa do Concello de Santiago que ten por obxectivo incentivar a actividade económica mediante o cofinanciamento de bonos para o consumo no comercio e na hostalería da rúa dos Concheiros e da contorna.

2. COMO FUNCIONAN OS BONOS CORAZÓN CONCHEIROS?

Cada cliente poderá descargar ata 3 bonos cofinanciados nun 40% polo Concello de Santiago e nun 60% pola persoa solicitante. Hai tres tipos dispoñibles:

  • Bono de 75 € (IVE incluído): 45 € ponos o usuario, 30 € o Concello.
  • Bono de 50 € (IVE incluído): 30 € ponos o usuario, 20 € o Concello.
  • Bono de 30 € (IVE incluído): 18 € ponos o usuario, 12 € o Concello.

Cadaquén poderá escoller libremente entre calquera das 3 modalidades, sendo posible solicitar máis dun bono da mesma clase.

O importe dos bonos irase consumindo nas compras de bens ou de servizos realizadas nos establecementos adheridos ao programa antes do 31 de maio de 2022, ata o esgotamento do saldo.

Comercios

3. QUEN PODE ADHERIRSE AO PROGRAMA?

Todos os establecementos comerciais e de hostalería (pemes ou autónomos) que desenvolven a súa actividade nalgunha das rúas enumeradas no Anexo I das bases desta convocatoria (contorna rúa dos Concheiros).

4. COMO SUMARSE AO PROGRAMA?

Entra aquí e rexistra o teu negocio indicando os seus datos, consulta os IAE que poden adherirse.

5. COMO SE REALIZARÁ O COBRO DOS BONOS?

As persoas beneficiarias dos bonos realizarán o pago das súas compras no establecemento cun código QR a través da aplicación do programa.

Os negocios recibirán semanalmente o importe equivalente aos bonos trocados a través da conta indicada no proceso de inscrición.

O límite máximo de bonos para trocar nun establecemento está fixado en 15.000 euros (IVE incluído). A través da plataforma do programa, cada negocio asociado poderá consultar o seu histórico de vendas, os pagamentos realizados e demáis detalles de cada operación.


Descargar folleto Comerciantes Material promocional Leva Compostela no corazón.

Clientes

3. COMO SOLICITAR OS MEUS BONOS CORAZÓN CONCHEIROS?

Entra aquí e rexístrate indicando os teus datos. Unha vez validada a solicitude e verificada a achega do cofinanciamento, poderás descargar os teus bonos en formato dixital a través dun código QR que estará dispoñible para a súa utilización na APP Wallet. Se prefires solicitalos de maneira presencial, deberás pedir unha cita a través do enderezo electrónico comercio@santiagodecompostela.gal ou no teléfono 981 542 492.

4. QUEN PODE OBTER OS BONOS?

Calquera persoa pode beneficiarse do programa. Non é preciso que estea empadroada en Santiago. O único requisito é ser maior de idade.

5. CANDO PODO EMPREGAR OS MEUS BONOS?

Tes de prazo ata o 31 de maio de 2022. Nese momento o bono non trocado caduca e pérdese o saldo non consumido.

6. COMO TROCO OS MEUS BONOS?

No momento de pagar deberás presentar o teu bono Corazón Concheiros a través da aplicación móbil do programa. O importe de cada compra ou servizo adquirido irase descontando do saldo inicial de 75, 50 ou 30 €. Podes esgotalo nun só acto de consumo ou en varios, no mesmo ou en diferentes establecementos adheridos.

7. ONDE PODO MERCAR COS MEUS BONOS?

A listaxe de establecementos comerciais e de hostalería adheridos ao programa será publicada aquí co seu nome e localización.

Así mesmo, todos lucirán no exterior carteis e adhesivos coa imaxe do programa para indicar que alí podes trocar os teus bonos.

8. QUE OCORRE SE DEVOLVO O QUE MERQUEI?

Nese caso, podes aplicar o importe do bono a outra compra de prezo igual ou superior ou trocalo por un vale sen caducidade.


Descargar folleto Clientes

Funcionamento Concurso Rasca e Gaña dos Bonos Corazón Concheiros

  • Poderán participar todas aquelas persoas maiores de idade que realicen unha compra nos comercios adheridos á promoción Bonos Corazón Concheiros e utilicen como forma de pago o bono.
  • Unha vez realizada a compra recibirán un boleto Rasca e Gaña de Bonos Corazón Concheiros.
  • Entre os boletos Rasca e Gaña hai 10 premios de 100 euros para consumir nos establecementos adheridos ao programa.
  • Aquelas persoas que teñan un Rasca e Gaña premiado deben poñerse en contacto con comercio@santiagodecompostela.gal para realizar o proceso de validación do premio antes do 5 de xuño de 2022.
  • Os premios deberán consumirse antes do 30 de xuño de 2022.
  • O Concello de Santiago gárdase o dereito de cancelar, suspender ou modificar total ou parcialmente as bases de concurso sen que iso xere dereito a compensación algunha a favor dos participantes.